სპორტის უნივერსიტეტისა და რომის სახელმწიფო უნივერსიტეტის - "ფორო იტალიკოს" შორის ურთიერთთანამშრომლობის მემორანდუმი გაფორმდა.

მემორანდუმს ხელი მოაწერეს სპორტის უნივერსიტეტის რექტორმა – პროფესორმა ჯემალ ძაგანიამ და  „ფორო იტალიკოს“ ვიცე რექტორმა საერთაშორისო ურთიერთობების მიმართულებით პროფესორმა ემანუელე იზიდორიმ.

მემორანდუმი ითვალისწინებს ორ უნივერსიტეტს შორის სხვადასხვა გაცვლითი პროგრამების განხორციელებას, ერთობლივი სამეცნიერო-კვლევითი პროექტების დაგეგმვას და განხორციელებას, სამომავლოდ ერთობლივი საგანმანათლებლო პროგრამების შემუშავებას.

რომის ფორო იტალიკოს უნივერსიტეტი იტალიაში ერთადერთი  სახელმწიფო უმაღლესი საგანმანათლებლო დაწესებულებაა   სპორტისა და მოტორული მეცნიერებების მიმართულებით.